Канадада ерекше Subaru сатылады

1970 жылдары америкалық Subaru бөлімі Жапониядағы басшыларды АҚШ нарығы үшін жаңа модель, дәлірек айтқанда, кішігірім пикап жасауға көндірді. Осылайша 1977 жылы Subaru Leone универсалы негізінде BRAT (Bi-drive Recreational All-terrain Transporter) авткөлігі жарық көрді.

1 / 18

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 18

1981 жылы модельдің екінші буыны пайда болды, ол Жапония, Оңтүстік Африка сонымен қатар Жаңа Зеландияда 1994 жылға дейін шығарылды. Көп жүрмеген BRAT-тың бір нұсқасы Канадада аукционға қатысып жатыр және оны алуға ниетті адам көп.

1 / 11

• 
• 
• 
• 
• 
• 
• 
• 
• 
• 
• 

1 / 11

Сатушылар осы «Браттың» өткені жайлы сөз қозғамайды. Көлік 1987 жылғы екені, АҚШ-тың Мичиган, Калифорния және Висконсин штаттарында жүріп, 2017 жылы Канадаға өтіп, сонда тұрақтап қалғаны белгілі. Пикапты 2023 жылы сатып алған қазіргі иесі Ванкуверде тұрады. 36 жастағы BRAT-тың одометрі 74 мың мильді (119 мың километр) көрсетіп тұр.

Салмағы бір тонна көлік 73 ат күші мен 127 Нм беретін 1.8 литрлік атмосфералы оппозит карбюраторлы мотормен жүреді. Тартым күші 4 сатылы механикалық қорап пен төмен берілісі бар қосылатын толық жетек жүйесі арқылы дөңгелекке беріледі.

Осы модельдің бір ерекшелігі — шанақтағы екі қосымша орындық. Бұрын BRAT үшін осындай орындықтар зауыттық опция болатын, бірақ оны 1985 жылы алып тастады. Бұл машинаға алдыңғы иесінің біреуі орнатқан.

Жағдайы өте керемет BRAT зауыттық кітапшамен, түпнұсқа саймандар жинағымен және кунгпен бірге беріледі.

1980 жылғы айрықша Subaru-ды сатып алғысы келгендер саны аз емес. Саудасы қызғандықтан құны 16.5 мың долларға көтерілді және аукцион аяғына қарай тағы өседі.